LUMEX REFUND POLICY

1. შესავალი

წინამდებარე Refund Policy განსაზღვრავს Lumex-ის აპლიკაციის ფარგლებში განხორციელებული გადახდების, თანხის დაბრუნების მოთხოვნების, განხილვის პროცედურებისა და პირობების წესს.

წინამდებარე პოლიტიკა წარმოადგენს Lumex Terms and Conditions-ის განუყოფელ ნაწილს.

2. ზოგადი პრინციპები

2.1. მომხმარებლის მიერ განხორციელებული გადახდები, როგორც წესი, არ ექვემდებარება დაბრუნებას, გარდა წინამდებარე პოლიტიკით ან მოქმედი კანონმდებლობით პირდაპირ გათვალისწინებული შემთხვევებისა.

2.2. თანხის დაბრუნების თითოეული მოთხოვნა განიხილება ინდივიდუალურად.

2.3. Lumex უფლებამოსილია მოითხოვოს დამატებითი ინფორმაცია თანხის დაბრუნების მოთხოვნის განხილვის მიზნით.

3. გამოწერის (Subscription) საფასური

3.1. გამოწერის საფასური წარმოადგენს წინასწარ გადახდილ მომსახურების საფასურს.

3.2. თუ მომხმარებელმა დაიწყო გამოწერის გამოყენება, გადახდილი თანხა, როგორც წესი, არ ბრუნდება.

3.3. გამოწერის გაუქმება არ იწვევს უკვე გადახდილი პერიოდის თანხის ავტომატურ დაბრუნებას.

3.4. გამოწერის გაუქმების შემთხვევაში მომხმარებელს შეუძლია ისარგებლოს მომსახურებით უკვე გადახდილი პერიოდის დასრულებამდე, თუ აპლიკაციაში სხვა რამ არ არის განსაზღვრული.

4. SOS მომსახურების საფასური

4.1. SOS მომსახურებაზე გადახდილი თანხა, როგორც წესი, არ ექვემდებარება დაბრუნებას მას შემდეგ, რაც:

• SOS სიგნალი წარმატებით გაიგზავნა;
• დაიწყო მისი დამუშავება;
• განხორციელდა ოპერატორის ჩართვა;
• დაიწყო რეაგირების პროცესი.

4.2. თანხის დაბრუნების მოთხოვნა შესაძლოა დაკმაყოფილდეს მხოლოდ იმ შემთხვევაში, თუ კომპანია დაადგენს, რომ მომსახურება არ დაწყებულა ტექნიკური ხარვეზის ან კომპანიის მიზეზით.

4.3. SOS ფუნქციის შემთხვევითი გააქტიურება ავტომატურად არ წარმოშობს თანხის დაბრუნების ვალდებულებას.

5. ტექნიკური ხარვეზები

5.1. მომხმარებელს უფლება აქვს მოითხოვოს თანხის დაბრუნება, თუ:

• განხორციელდა ორმაგი ჩამოჭრა;
• გადახდა დაფიქსირდა არასწორად;
• მომსახურება ვერ იქნა მიწოდებული კომპანიის ტექნიკური ხარვეზის გამო;
• თანხა ჩამოიჭრა მომსახურების მიღების გარეშე.

5.2. კომპანია უფლებამოსილია საკუთარი შეხედულებით:

• დააბრუნოს თანხა;
• ჩარიცხოს კრედიტი მომხმარებლის ანგარიშზე;
• გაააქტიუროს შესაბამისი მომსახურება დამატებითი გადასახადის გარეშე.

6. გამონაკლისები

6.1. თანხა არ ბრუნდება, თუ:

• მომხმარებელმა გადაიფიქრა მომსახურებით სარგებლობა;
• მომხმარებელმა არ გამოიყენა შეძენილი სერვისი;
• მომხმარებელმა არ წაიკითხა Terms and Conditions;
• მომხმარებელმა შემთხვევით შეიძინა გამოწერა;
• მომხმარებელმა წაშალა აპლიკაცია;
• მომხმარებელმა შეცვალა მოწყობილობა;
• მომხმარებელმა დაკარგა წვდომა საკუთარ ანგარიშზე საკუთარი მიზეზით.

6.2. კომპანია უფლებამოსილია უარი თქვას მოთხოვნაზე, თუ არსებობს თაღლითობის, ბოროტად გამოყენების ან არაკეთილსინდისიერი ქმედების ნიშნები.

7. App Store და Google Play

7.1. თუ გადახდა განხორციელებულია Apple App Store-ის ან Google Play Store-ის მეშვეობით, თანხის დაბრუნება შესაძლოა რეგულირდებოდეს შესაბამისი პლატფორმის წესებით.

7.2. ასეთ შემთხვევებში მომხმარებელი ვალდებულია პირველ რიგში მიმართოს შესაბამის პლატფორმს. Lumex ითანამშრომლებს პლატფორმებთან მოთხოვნის განხილვის მიზნით.

8. გადახდის წარუმატებლობა

8.1. გადახდის წარუმატებლობის შემთხვევაში კომპანია მომხმარებელს შეატყობინებს და მიანიჭებს საშეღავათო პერიოდს ვალდებულების შესასრულებლად.

8.2. საშეღავათო პერიოდის ამოწურვის შემდეგ სერვისი შეჩერდება ვალდებულების შესრულებამდე.

8.3. გადახდის შემდგომი აღდგენა არ ემსახურება წინა წარუმატებელი პერიოდის კომპენსაციას ან დაბრუნებას.

9. მოთხოვნის წარდგენის პროცედურა

9.1. თანხის დაბრუნების მოთხოვნა შეიძლება წარდგენილ იქნეს:

• აპლიკაციის მეშვეობით;
• ელექტრონული ფოსტით;
• კომპანიასთან კონტაქტის სხვა ხელმისაწვდომი არხით.

9.2. მოთხოვნაში მითითებული უნდა იყოს:

• სახელი და გვარი;
• საკონტაქტო ინფორმაცია;
• ტრანზაქციის დეტალები;
• თანხის დაბრუნების მიზეზი;
• შესაბამისი მტკიცებულებები (ასეთის არსებობის შემთხვევაში).

9.3. Lumex განიხილავს მოთხოვნას კანონმდებლობით დადგენილ ვადებში.

10. განხილვის ვადები

10.1. კომპანია ვალდებულია განიხილოს მოთხოვნა გონივრულ ვადაში.

10.2. თანხის დაბრუნება, ასეთის დამტკიცების შემთხვევაში, განხორციელდება გადახდის პირვანდელი საშუალებით ან კომპანიისა და მომხმარებლის შეთანხმებული სხვა ფორმით.

10.3. კომპანია მომხმარებელს შეატყობინებს მოთხოვნის განხილვის შედეგის შესახებ.

11. ცვლილებები პოლიტიკაში

11.1. Lumex იტოვებს უფლებას ნებისმიერ დროს შეიტანოს ცვლილებები წინამდებარე პოლიტიკაში.

11.2. განახლებული ვერსია ძალაში შედის გამოქვეყნებისთანავე ან მასში მითითებული თარიღიდან.

11.3. კომპანია შეატყობინებს მომხმარებლებს ცვლილებების შესახებ აპლიკაციის, ელექტრონული ფოსტის ან სხვა კომუნიკაციის არხების მეშვეობით.

11.4. ცვლილებების შემდეგ სერვისის გამოყენების გაგრძელება ნიშნავს განახლებული პოლიტიკის მიღებას.

12. საკონტაქტო ინფორმაცია

წინამდებარე პოლიტიკასთან დაკავშირებული კითხვებისა და მოთხოვნებისთვის შეგიძლიათ დაგვიკავშირდეთ: